Tag Archives: amarillo

TTK – Tiltekt í Kæli

Langaði að brugga IPA en nennti ekki að eltast við hráefni svo ég setti saman úr því sem var til heima. Útkoman var eftirfarandi uppskrift.

Eftir 6 daga á primary við rétt rúmar 19°C setti ég bjórinn beint á kút, þurrhumlaði í kútnum með humlasíu við 14°C í 5 daga og kældi þá í 6°C í tvo daga áður en ég tók humlasíuna úr og smakkaði. Mjög góður bjór en auðvitað pínu flatur enn þrátt fyrir að hafa verið við 12psi í viku, enda lengst af við dágðóðan hita.

[beerxml recipe=http://brew.virtual-guy.com/wp-content/uploads/TTK.xml]

ttk-gerjun

Herra Bjórdagur

Þessi heitir reyndar á frummálinu “Hop Fiction” og kemur frá brugghundunum í Skotlandi. Þar sem að bókin er nokkuð opin hvað varðar tímasetningar og magn þá notaði ég uppskriftina frá þeim sem grunn að þessum bjór og leyfi ég mér því að gefa honum nýtt nafn sem hann dregur af bjórdeginum mikla sem jafnframt var bruggdagurinn.

Ég ákvað að nota tækifærið fyrst brew.is var að bjóða upp á blautger að slá til og prófa eitthvað annað en US-05, skellti mér því á “San Diego Super” (Turbo jäst?)  sem er WLP090. Gerði ekki starter þar sem bjórinn er nokkuð léttur (1.049) og gerið mjög nýtt. Kom á daginn að þetta var bara alveg ljómandi fín hugmynd, gerið svínvirkaði og kláraði sig af á innan við viku.

Notaði tækifærið og prófaði að tengja STC-1000 boxið sem ég smíðaði fyrir nokkru síðan og gerjaði þennan við 19°C í viku og setti svo niður í 14°C til að þurrhumla í rúma viku.

Þessi er alveg virkilega skemmtilegur og ég á eftir að njóta þess að drekka hann í góðra vina hóp í sumarbústað og heitum potti eftir hálfan mánuð.

Bruggdagur: 01.03.2016

[beerxml recipe=http://brew.virtual-guy.com/wp-content/uploads/HerraBjordagur.xml]

Jiffy

Ég var spurður hvort ég gæti skaffað bjór fyrir spilakvöld sem átti að halda innan fárra vikna. Vitandi það að þeir sem myndu drekka bjórinn væru flestir fótboltabullur og lélegir bjórdrykkjumenn þá ákvað ég að henda í einn léttan Pilsner, eða svona næstum því Pilsner.

Ég var ósköp latur þegar ég var að þessu, nennti til dæmis ekki að sjóða í þessar klassísku 90 mín sem á að gera með Pilsner malt svo ég gerði bara 60 mín, ég meskjaði þó í 90 mín til að ná sem mestu út úr korninu.

Jiffy dregur í raun nafn sitt og stíl af tímaskráningarverki, þ.e. verk sem átti að vera lítið sem ekkert skráð á en reyndist svo risastórt og skapaði smá biturleika hjá yfirmönnum. Fyrir vikið tók ég Pilsner stílinn sem á að vera frekar léttur (<5%) og lítið beiskur og gerði hann sterkari með meiri beiskju, samt ekkert óbærilegt.

Bjórinn endaði alveg ljómandi fínn, ekki alveg minn tebolli en var nokkuð vinsæll hjá pöpulnum og kláraðist hratt og örugglega. Einn mjög stór kostur við þennan bjór er hversu ódýr hann er í framleiðslu.

Bruggdagur: 23.01.2016

[beerxml recipe=http://brew.virtual-guy.com/wp-content/uploads/Jiffy.xml]

Herra Hafrafölur

Hér er smá tilraunastarfsemi í gangi. Ég átti rúm 10kg afgangs af Pale Ale malti og langaði að prófa Simcoe/Amarillo samsetningu af humlum. Mig langaði samt ekki alveg að hafa þetta bara single malt svo að ég bætti við 400g af haframjöli á móti 10.6kg af Pale Ale til þess eins að sjá hvað þetta myndi gera, á að hafa áhrif á haus en nánast ekkert annað. Tímdi ekki að nota mikið af Amarillo/Simcoe í bittering þar sem þetta eru dýrir humlar svo ég notaði afganga sem ég átti í frysti, Galaxy og Magnum. Notaði bara það sem ég átti til og vann svolítið út frá því.

Mig langaði að gera meira en bara prófa haframjölið og humlana, mig langaði líka að sjá hvað ger gerir fyrir bjórinn svo ég tók smá WLP500 sem ég þvoði af belganum mínum og notaði í aðra 20L tunnuna en notaði bara venjulegt US-05 í hina.

Þetta er gert í HERMS græjunum og það er lítið sem getur klikkað.

Útkoman var alveg virkilega skemmtileg og var bjórinn með belgíska gerinu mjög skemmtilegur, greinilegur karakter frá gerinu, krydd og skemmtilegheit. US-05 bjórinn var bara ósköp venjulegur IPA, ágætis bjór en gaf ekkert sérstakt af sér.

Bruggdagur: 14.01.2016

[beerxml recipe=http://brew.virtual-guy.com/wp-content/uploads/HerraHafrafolur.xml]

Punk IPA

Gerði Punk IPA skv. fyrri uppskrift fyrir nokkru síðan og kom ljómandi vel út og ákvað að prófa 40L uppskrift í nýju HERMS græjunum. Brew.is átti því miður ekki Nelson Sauvin en átti von á nýrri uppskeru í næstu viku, ég gat ekki beðið svo lengi svo ég skipti þeim út fyrir Amarillo. Reyndar á Amarillo að vera í þessu skv. brew sheet hjá Brew Dogs en það var ekki í klón uppskriftinni sem ég fann á hinu stóra interneti. Uppskriftirnar fylgja hér, sú fyrri kom ljómandi vel út og var mjög góð, sú seinni bíður dóms (ETA 4 vikur)

[beerxml recipe=http://brew.virtual-guy.com/wp-content/uploads/Punk-IPA1.xml]

Punk IPA með Amarillo í stað Nelson Sauvin.
[beerxml recipe=http://brew.virtual-guy.com/wp-content/uploads/Punk-IPA-Variation.xml]